बंगलाचुलीमा बैशाख ३० गते हुने स्थानियतह निर्वाचनको तयारी अन्तिम चरणमा
कमिरेचौर : बंगलाचुली गाउँपालिकामा बैशाख ३० गते हुने स्थानियतह निर्वाचनको तयारी करिव करिव अन्तिम चरणमा पुगेको निर्वाचन अधिकृतको कार्यालयले जानकारी दिएकोछ ।
यस गाउँपालिकामा रहेको १८ वटा मतदान बुथहरुमा मतदान अधिकृतहरु पुगीसकेको र त्यहाँको आन्तरिक व्यवस्थापन तथा तयारीको काम भईरहेको छ ।
मुख्य निर्वाचन अधिकृत हिरण्य प्रसाद भण्डारीका अनुसार अहिले मतदान केन्द्र तथा बुथहरुमा भौतिक तयारीको काम भईरहेको छ ।
भने सम्बन्धित वडाका मतदान केन्द्रका राजनितिक दलका प्रमुख तथा प्रतिनिधिहरु संग निर्वाचन सम्मपन्न गर्ने विषयमा सर्वदलिय छलफल भईरहेका छन् ।
साथै नयाँ थप भएका मतदाताहरुलाई मतदाता परिचय पत्र वितरणको काम भईरहेको मुख्य निर्वाचन अधिकृत हिरण्य प्रसाद भण्डारीले जानकारी दिनुभयो ।
प्रकाशित मिति: बुधबार, वैशाख २८, २०७९ १४:५३
प्रतिक्रिया दिनुहोस्