काठमाडौँ - आज देखि स्थानिय तह र प्रदेशको खाता रोक्का हुने भएको छ ।  महालेखा नियन्त्रक कार्यालयका अनुसार आज देखि प्रदेश र स्थानीय तहको खाता रोक्का हुने भएको हो ।

महालेखाले यही असार ११ गते जारी गरेको सूचनाअनुसार प्रदेश र स्थानीय तहले २४ गते राति १२ बजेपछि कुनै पनि रकम भुक्तानी लिन पाउने छैनन्। प्रदेश र स्थानीय तहको प्रणालीबाट एक सातासम्म नयाँ रकम भुक्तानी हुने छैन।

राति १२ बजेसम्म प्रणालीमा खर्च देखाएर जारी भएका चेकहरु आज पनि साटिन सक्नेछन्, तर कानुनअनुसार आज  नयाँ चेक जारी गर्न पाइँदैन, सूचनामा भनिएको छ।

आर्थिक कार्यविधि तथा वित्तीय उत्तरदायित्व नियमावली २०७७ को नियम ३० ले आर्थिक वर्ष समाप्त हुनुभन्दा एक साताअघि भुक्तानी निकासा बन्द गर्नुपर्ने व्यवस्था गरेको छ ।  तर, नियमावलीले संघ सरकारलाई रकमान्तर गर्दै खर्च गर्ने छुट दिएको छ ।