Chauthoanga
अपहरणको पाँच महिनापछि ८३ वर्षीया भिक्षुणीको रिहाइ

न्यू ओर्लिन्स, बुर्किना फासो: पश्चिमी अफ्रिकी देश बुर्किना फासोमा लुजियानाकी ८३ वर्षीया मिसनरी भिक्षुणीलाई सुतिराखेको अवस्थामा ओछ्यानबाट अपहरण गरिएको करिब पाँच महिनापछि रिहा गरिएको बिहीबार जनाइएको छ ।

द न्यू ओर्लियन्सका एक अधिवक्ताका अनुसार होली क्रसका मारियानाइट्सलाई पठाइएको पत्रमा सिस्टर सुलेन टेनीसन नाइजरको राजधानी नियामीमा रिहा भई अमेरिकी अधिकारीको जिम्मामा रहेको उल्लेख गरिएको छ । उक्त पत्रिकाले पत्रको एक प्रति प्राप्त गरेको र पत्रमा अमेरिकी मण्डलीकी नेतृ सिस्टर एन लाकोरले टेनीसनको रिहाईको पुष्टि गरेको जनाइएको छ ।

धर्मगुरू ग्रेगरी आइमोन्डले फेसबुकमा लेख्नुभएको छ, “हामी श्री टेनिसनको सुरक्षाका लागि भगवानप्रति आभारी छौं ।”

एसोसिएटेड प्रेस (एपी)बाट बुधबार टिप्पणीका लागि गरिएको अनुरोधमा लाकोर र उहाँको सम्पर्क कार्यालयले तत्काल थप प्रतिक्रिया दिन उपलब्ध दिइएन ।

लाकोरले अप्रिलमा टेनीसनलाई अप्रिल ४ को मध्यरातमा अपहरण गरिएको बताउनुभएको थियो । लाकोरले द टाइम्स–पिकायुनसँग भन्नुभयो, “उहाँ सुरक्षित हुनुहुन्छ भन्नेबाहेक हामीसँग अहिले कुनै थप जानकारी छैन ।”

टेनीसन बस्दै आएको नियामी बुर्किना फासोको शहर याल्गोबाट करिब २५७.५ किलोमिटर पश्चिममा अवस्थित छ । टेनिसनले सन् २०१४ देखि बुर्किना फासोमा काम गर्दै आउनुभएको थियो

बुर्किना फासोमा बढ्दो हिंसा र जिहादी आक्रमणका बेला उहाँको अपहरण भएको हो ।सिन्ह्वा

प्रकाशित मिति: शुक्रबार, भदौ १७, २०७९  ०७:५२
प्रतिक्रिया दिनुहोस्
अन्तर्वाता
सर्वाधिक पढिएको